قصة الفضول الجزء التاني

بما ان النهرده الهالوين اسمعو الجديد بقا

النهارده 31 أكتوبر ... يعني ليلة الهالوين
ليلة الرعب و عيد القديسين ....

و بما إنها النهارده ... تعالوا ناخد لفه كده عن أصل الليله دي ...

من حوالي 2000 سنه في إيرلندا كانت عايشه هناك شعوب و قبائل إسمهم الشعوب السلتيه ...
الشعوب السلتيه دي كانت بتحتفل برأس السنه الخاص بيها و الي بيبدأ بيوم 1 نوفمبر ...
و اليوم ده بيعتبروه علامه علي نهاية الصيف و شهور الحصاد و بداية الشتاء و شهور الظلام و البرد ...
بل كمان إن اليوم ده في السنه كان دايما متعلق بالموت و ده لإن الشعوب السلتيه الوثنيه كانت شايفه ان في ليلة 31 أكتوبر الحاجز بين عالم الموتي و الأحياء بيبقي ضعيف و بسبب كده ارواحهم و اشباحههم بل كمان الشياطين كانت بتدخل عالم البشر في اليوم ده علشان تمارس شرورها ...

لكن الناس كانت بتستني اليوم ده لانهم مؤمنين ان عبور الارواح لعالم البشر كان بيمنح كهنتهم القدره علي التنبؤ بالمستقبل و النبؤات دي كانت مهمه بالنسبالهم بسبب قسوة.حياتهم في الشتاء ...

لكن سنة 43 بعد الميلاد قهرت الامبراطوريه الرومانيه الشعوب السلتيه و حكمت الامبراطوريه الاراضي السلتيه لحوالي 400 سنه مما ادي لدمج العبادات و الاعياد الوثنيه مع المسيحيه و اندمج عيد السلتيين لما قرر الاب بونيفاس عام 609 بعد الميلاد تكريم شهداء المسيحيه في يوم عيد القديسين 31 اكتوبر ..

لكن لا يزال عيد القديسين بيحمل طابعه الوثني المخيف الي أمنت بيه الشعوب السلتيه و هي ان الموتي بيرجعوا لعالم الاحياء في اليوم ده ... و علشان ميسببوش الاذي للبشر فلازم تتنكر كشيطان او ميت او شبح زيهم علشان ميتعرفش عليك ...