قصة الفضول الجزء التاني

حابين نتكلم في موضوع طويل شوية ؟؟ ...

يلا بينا ...

في تسعينات القرن الماضي ... أوساط علماء الفلك و الأطباق الطائرة و عشاق نظريات المؤامرة و المسئولين الحكوميين الأمريكيين أتهزت بتسريب وثيقة غريبة بتحمل إسم "مشروع الكوكب الأزرق" ...

الوثيقة كان مصدرها الي سربها مجهول ... و مع ذلك حققت ضجة كبيرة في الولايات المتحدة بسبب المعلومات الي بتقولها عن تعامل الحكومة الأمريكية مع أجناس من خارج كوكب الأرض ...

تعالي كده بقي ناخد جولة في الوثيقة شوية ...

أولا كده ... الوثيقة بيعتقد إن كاتبها يبقي عالم مش معروف غير إسمه وهو جيفرسون سوذا و الي بيظن إنه عاالم خاص تواصل معاه الجيش الأمريكي لفحص مناطق تساقط الأطباق الطائرة ... قبل إختفائه التام بعد تسريبها ...

الوثيقة بقي و الي تعتبر في شكل مذكرات ... بتتكلم عن كذا حاجه ... هناخدهم واحده واحده ...

١- أنواع الفضائيين علي الأرض ...

علي حسب الوثيقة بيقال إن الفضائيين أصلا عايشين بينا و ببتروح متوسط أنواعم المختلفه لأكتر من ١٦٠ نوع ...و بيتم تصنيفهم كالأتي ..

(ضيوف - زوار - دخلاء - مستعمرين - خبثاء)

أما أنواعهم كأجناس ففي بعض الأمثلة

(الرماديين - الشماليين - مخلوقات ما بين الأبعاد - أشباه البشر) ..

٢- الحكومة الخفية ...

علي حسب الوثيقة فالولايات المتحدة في الأربعينات نظمت تنظيم حكومي سري يمثل بلادها في التعامل مع المخلوقات الفضائية و الي يضمن مصالحها قبل باقي العالم ...

٣- إتصال ما بين الأبعاد ...

علي حسب الوثيقة و كاتبها ... فكوكب الأرض محاط بألاف البوابات و الممرات النجمية و الي بتصل بين الأرض و الفضاء العميق و كذلك الأبعاد المختلفة ...

٤- قاعدة دالس

الوثيقه ذكرت قاعدة عسكرية سرية بإسم قاعدة دالس بتقوم فيها الحكومة الأمريكية بالقيام بعمليات تهجين بين الفضائيين و البشر بإستخدام الجينات ...

و بتحتوي مختبرات القاعدة علي آلاف المخلوقات الهجينة و الي بيتم الإحتفاظ بيها في منشئاات سىرية مشددة الحراسة

٥- تشريح الفضائيين ..

في الجزء ده بيذكر المؤلف إن تم القيام بألاف عمليات التشريح لأجساد أنواع مختلفة من الفضائيين و كتب كل التفاصيل الجسدية و التشريحية عنهم ...

٦- التكنولوجيا الفضائية ..

علي حسب الوثيقو فالحكومة الأمريكية قدرت تستخدم تكنولوجيا فضائية و تطوعها في مجالات مختلفة خصوصا العسكرية منها ...

و ذكرت الوثيقة جهاز معين بإسم S.B.M.C.D. (Spherical Biological Monitoring and Control Device)

مع معلومات تفصيلية عنه و كيفية إستخدامه في مراقبة و التحكم بالأجناس ...

بل كمان ذكرت الوثيقة نوع من المركبات الي بيستخدمها الجيش بإسم المروحيات السوداء و الي بتمتلك قدرة مميزة علي الإندماج مع المحيط و الإختفاء زي الأطباق الطائرة ...

٧- أخيرا ... التحكم في العقول ...

في الوثيقة قيل إن أنواع مختلفة من الكائنات الفضائية بتمتلك قدرة مميزة علي إختراق العقول و التحكم فيها و إن الجيش الأمريكي بيحاول حصد القدرة دي و الأستفاده منها لمصلحة بلاده ...

في نهاية الوثيقة ... قال جيفرسون إنه حاليا تم إستهدافه بالقتل من الحكومة و هيحاول النجاه ...

و طبعا من التسعينات مفيش أي معلومة عنه ...

فسواء مات او حي و مستخبي ... الوثيقة حقيقة أو كدب ...

تظل واحده من أهم و أغرب الوثائق الي ظهرت في التاريخ ...