ملفات سريه مخيفه

السلام عليكم ورحمة الله وبركاته 

قررت في مرة أسأل مجموعة من المستخدمين عن أغرب شئ شافوه و رعبهم ...

و دي واحده من الإجابات ...

" في البداية كده ... البيت الي ساكنين فيه له تاريخ مأساوي ... العائلة الي سكنته قبلنا ... كانوا في رحلة لتقضية أجازه و فقدوا كلهم بدون أي أثر ...

و حتي الأن مفيش أي شخص أو جهه تعرف مصيرهم ...و بالتالي ملكية منزلهم بعد سنين إنتقل لوريث ..

و قبل ما وريثهم للمنزل يبيعه لينا ... قالنا أنه أوقات بيحس بوجودهم معاه في البيت ...

طبعا إحنا أفترضنا إن ده مجرد إحساس نابع من مشاعره ... لكن بمرور الأيام و السنين علينا في البيت ... أدركنا إنها للأسف مكنتش مجرد مشاعر الي يقصدها ...

في البداية ... بدأت حجات لينا تختفي من مكانها و تظهر بعدها بأسابيع في نفس المكان ... بعدين بدأنا نسمع خطوات و إحنا نايمين ...و المشكلة إن الخطوات كانت بتبقي من جوا جدران البيت ...

أخر موقف حصلنا... لما كنت في الشيفت الليلي بتاعي ... و طبعا إحنا مركبين كاميرا حساسة للحركة في غرفة طفلتنا ...علشان نشوفها وهي نايمة ...

لما كنت في الشغل ....كنت فاضي شوية و قررت أفتح الكاميرا من موبايلي و هنا إتصدمت بالشكل ده ...

طفلتي زي ما إنتو شايفين نايمة في سريرها و في شئ ما شبه الدراع بيمتد قدام الكاميرا و كأنه بيقرب منها ...

إتصلت بزوجتي علي طول ...و قالتلي إن الطفلة
لوحدها في الغرفة ... قولتلها تطمن عليها بسرعة و فعلا البنت كانت لوحدها و غرقانه في النوم ...

و بعد ما زوجتي شافت الصورة ... قررنا إن الطفلة هتنام معانا علي طول لغاية لما نشوف حل للبيت ..."