ملف عن مستر سلطع مخيف

السلام عليكم ورحمة الله وبركاته 

صباح الخير 💓💓 ...

النهاردة ... قولت إني لازم أكلمكم في موضوع مهم جدا عامل ضجة و قلق عالفيس من ٢٠١٧ ...

طبعا كلكم فاكرين البوستس بتاعة إن مستر سلطع بيعمل سلطع برجر من السلطعون و أفراك عائلته ... و كان كتير منكم بيعملي منشن في البوستس دي ...

طبعا الي إقترح الموضوع ده كان فان أجنبي و دليله الوحيد أنه مشافش ولا فرد من عائلة مستر سلطع في المسلسل ... فأكيد هو قتلهم و عمل منهم سلطع برجر ...

طبعا ده كلام واحد مكنش متابع المسلسل أصلا و بيزيط مش أكتر ...

و علشان ننهي الزيطة عالموضوع ده نهائيا ...

فالكلام ده مش حقيقي ... ببساطة كل فرد من عائلة مستر سلطع ظهر في حلقات مختلفة ...و في حلقة للمناسبات ظهروا كلهم معاه ...

بس بردو علشان الموضوع ينتهي تماما و أطمنك ... حساب نيكولديون الرسمي علي إنستا في ٢٠١٧ ...نفي تماما الموضوع ده ...

و في النهاية لسه الوصفة سرية ...