قصة لعنة نيفارتيتي الجزء الثاني

السلام عليكم  ورحمة الله وبركاته 

لعنة نيفارتيتي الجزء الثاني

انت يا استاذ فوق ، ايه البلاوي اللي بتتحدف علينا دي ، انت ملبوس ولا ايه نظامك بظبط >

بدأت افتح عيني ببطء، الرؤية كانت ضبابية
مش قادر اشوف بشكل اوضح شوية شوية ،قدرت اشوف كويس لحد ما شوف
راجل واقف قدامي، كان لابس جلبية بلدي، وعمامه علي رأسه، وكان بشرته سمره
راجل تقريبا في الخمسينات من العمر

قدرت استعيد تركيزي و عرفت ان انا موجود في قطر !!
ايوة انا صحيح كنت راكب قطر !!
بدات خلاص افتكر
كل اللي شوفته كان كابوس حصل لي لما ركبت .. واظاهر ان راحت عليا نومه وحلمت بالكابوس المرعب ده

فرديت علي الراجل وقلت:
-معلش انا اسف انا بس نمت وكنت بحلم بكابوس

بص عليا الراجل نظرات استحقار وقعد يقول كلام من نوع :
-دي ايه البلاوي اللي بتتحدف علينا دي .
غير الشتايم اللي خدتها منه .
مهتمتش ولا ركزت مع كلامه وعرفت ان خلاص القطر وصل محطة القاهرة فنزلت من المحطة

___________

مر كام يوم بعد ما رجعت من الاقصر وكان كل شيء طبيعي جدا
مافيش اي حاجه غريبة حصلت
لحد ما في يوم كنت براجع محاضرات تاني يوم للكلية .
و الجو متأخر
اثناء ما كنت براجع المحاضرات عيني بدأت تتقل اوي
حسيت بزغلله قوية في عيني بعدها الموضوع اتحول لدوخه
مبقتش قادر اشوف بشكل كويس لحد ما الرؤية انعدمت نهائي
بقت الرؤية سودا تماما وشوية شوية لقيت اضاءة بسيطة بدأت تظهر
الاضاءة كانت حمره
معني كده ان المشهد بدأ يتعاد تاني بكل تفاصيله .
علي الضوء الاحمر شوفت، ان انا مرمي في الارض
وكل حتي حوليا عبارة عن تراب، ومن حوليا علي الارض في كم هائل من حشرات الجعران ، حاجه شبيها للخنفساء، لكن شكلهم اكبر ف الحجم .
حاولت بعد كده ان اقوم اقف، وحاولت كتير ان ابعد الحشرات عن طريقي عشان اقدر اقف.
بالفعل نجحت ف الاخر ان اقف .
بس لما وقفت نفس الشيء حصل تاني ايادي كتير تخرج من الارض
وتمسك في رجليا وتحاول انها تسحبني لتحت الارض
بحاول ان افلت من الايادي دي لحد ما هي تسيب رجلي
بس المرة دي لما الايادي سَبت رجلي حسيت بنفس سخن ورايا
وقفت مكاني مرعوب، ومش قادر اتحرك، وخايف ان اتلفت ورايا اشوف منظر مش هقدر ان استحمله
وهي دقائق الاقي، ايد تلمس كتفي تخليني اتنفض من مكاني
الايد كانت سخنه بشكل كبير كأن جمرة نار مسكت كتفي !!
المكان بعدها اتحول لصوت صريخ قوي .... ده غير ان حاسس بحجات غريبة بتتحرك من تحت رجلي
ماكنتش مستحمل الايد السخنه اللي مسكه رقبتي
عشان كده اتلفت ورايا .... ابشع منظر عمري ما كنت اقدر اتخيل منظرة
ست كل جسمها محروق وايديها الشمال كانت مقطوعة
عنيها مكانتش في مكانها !!
كانت عبارة عن تجويف اسود ومنظرة مرعب !!
وفجأة تحرك ايديها علي رقبتي وتبدأ تضغط فيها بقوى !!
مقدرتش ان استحمل سخونة الايد وضغطها القوي علي رقبتي
ففقدت الوعي !!!!

____________

فقت لقيت نفسي مرمي في مكان انا عارفه كويس ... لان كنت في قبل كده
ولو مش فكرة هفكرك بي
المكان هو
ساحه وسعة، كل جدرانها كانت عليها رسومات ونقوشات غريبة
نفس الاضاءة الحمره اللي كانت خرجة من جماجم بني ادمين متعلقه علي الجدران .
وفي نص الساحه، تابوت فرعوني عليه النقوش كتير ... ومن فوق التابوت، كان في ورقة ملفوفه شبه ورق البردي .....
كنت متردد ان امد ايدي واخد الورقه لان خايف من اللي ممكن يحصل
خايف من الهزه القوية اللي حصلت قبل كده في اخر كابوس ليا
لكن بعد دقائق مديت ايدي المرتعشه من الخوف..... ومسكت الورقه من غير ما يحصل الزلزال .

اللي حصل كان اشد من الزلزال
كائنات منظرها بشع
٤ كائنات اقزام !!!
جسمهم كله شعر!!
حتي عنيهم شكلها مرعب
شبه عنين القطط !!!
وكانوا قعدين علي الارض في وضع الرقوع
وكانوا بيعمله حركات غريبة بجسمهم
بتمايل بجسمها لقدام ولوراء !!
الكائنات دي مكنتش بتعمل اي شيء غير انها تردد في كلام غريب انا مش قادر ان افهمه ..
بس كل ما كانوا بيزوده في ترديد الكلام كنت بحس بصداع قوي بيخترق دماغي !!
وكل ما يزوده الكلام، الصداع يكتر عن الاول، لحد ما كنت خلاص مش قادر استحمل الم الصداع

بدأت بعدها اسمع صوت جي من بعيد حاولت اركز في الصوت اكتر

_____________

الصوت كان صوت اعرفه كويس ايوة هو صوت " ممدوح " كان بيزعق فيه وبيحاول ان يفوقني .

لما فقت وقدرت استعيد الوعي تاني، لاحظت حاجه غريبه كنت مسكها في ايدي .
وهي اللي خلتني اتأكد ان كل اللي بشوفه ده مش مجرد كوابيس
لا ده واقع حقيقي انا عايش فيه
اللي كنت مسكه ف ايدي.. كان ورقة ملفوفه كنت مسكها ومتبت عليها ف ايدي........ ضغط ب إيدي علي الورقه جامد زي مايكون خايف انها تفلت............. في اللحظة دي قررت ان لازم احكي كل حاجه لممدوح...... عشان يساعدني في اللي بيحصل ليا
لكني قبل ما احكي..... لقيت ممدوح بيقولي كلام رعبني اكتر من الكوابيس اللي بشوفها .

ممدوح كان بيقولي:
-انت فيك ايه بظبط، من يوم ما رجعت من الاقصر، وانت فيك حاجه غلط ومش علي بعضك
غير تصرفاتك الغريبة اللي بترعبني .
حتي انت من قبل ما تفوق دلوقتي كنت بحاول افوق فيك من ساعه ومش عارف .
انا صحيت علي صوتك كنت بتقول كلام غريب زي " ابعدي عني انتِ عاوزه مني ايه "
وتقعد تصرخ لكن صوتك كان، مرعب اوي صوت كان خشن اوي مستحيل ان يكون صوتك .
وقبل ما تفوق بدقائق كنت ماسك رقبتك بأيدك الاتنين !!
زي مايكون حد بيخنق فيك وانت بتحاول انك تتخلص منه !!

بعد ما ممدوح خلص كلامه حكيت له علي كل حاجه حصل
حكيت له من اول ما قبلت ابويا قبل مايموت، ولما بدأت اشوف اول كابوس لما كنت في القطر ....
هو طبعا ما صدقش حاجه من اللي قلتها لكنه.......طلب مني ان عاوز الورقة البردي وهو هيشوف ايه قصتها
لان ممدوح اصلا في كلية اثار وبيعرف يترجم الحروف الهيلوغريفية
فعلا ممدوح اخد الورقة، وهنتظر بقي لما يشوف ايه قصتها هي كمان، لان لازم افهم ايه بظبط اللي بيحصلي، بدل ما هتجن ومصيري هو مستشفي العباسية .

____________

ممدوح ما اتأخرش عليا هو تاني لقيت ممدوح جيلي
لما خلصنا محاضرات ودخلنا الغرفه
قالي ممدوح بحماس :
-انا قدرت اعرفلك قصة الورقة دي لكن قبل ما اقولك اي حاجه
الورقه دي ازاي وقعت في ايدك لانها بردية حقيقية مش مزورة
ماتقوليش بقي التخاريف بتاعتك دي، وتقول انك وصلت ليها من خلال المشاهد الغريبة اللي في كوابيسك
قلتله بعصبيه واصرار :
-هو فعلا زي ما انت قولت
عاوز بقي تصدق صدق مش عاوز برحتك، لكن دلوقتي المهم قدرت توصل ل ايه
قالي ممدوح :
- هعرفك اهو كل حاجه بس ركز كده معايا عشان الموضوع طويل شوية

_______________

لما خدت الورقة وقدرت اعرف ترجمتها
مصدقتش اللي انا قرأته
تعرف يا ممدوح ان البردية اللي معاك ده اكتشاف مهم
محدش قدر يوصله اصلا لمكان مقبرة الملكة نفرتيتي
البردية دي بتتكلم عن ملكة ايام الفراعنة
اسمها الملكة نفرتيتي
زوجة الملك اخناتون
اللي حصل ان اخناتون كان بيعبد الشمس
والملكة نفرتيتي كفرة ب اله الشمس
فعشان كده تم لعن الملكة من الملك اخناتون
مش كده بس
ده قتلها وامر كهنة معبد الاله ان يتم تشوية جسم الملكة
وقطع كفها ويتم دفن الجسد في مكان بعيد عن الكف
لان فيه اعتقاد عند الفراعنة
ان الجسد السليم هو اللي بيدخل الجنة
والجسم المشوه بيكون لعنه من الاله عشان لما يتم البعث من الموت
يتحرم الجسد من دخل الجنة لانه مشوه .

الاكتشاف هنا بقي يا راضي
ان مقبرة الملكة نفرتيتي لم يتم اكتشفها الي الان
وفي اراء كتير بتقول ان المقبرة موجوده
داخل مقبرة الملك توت عنخ امون ابن الملك اخناتون
موجوده في مكان سري محدش قدر يكتشفه لحد وقتنا هذا
وبالبردية دي هتسهل كتير اكتشاف مكان المقبرة وبكده هيكون اهم اكتشاف
لكن فيه حاجه غريبة لفتت نظري
ان مكتوب علي نفس البردية
ان لما الملكة تم قتلها وتشوية جسمها
تم كتابة البردية دي واتحكى فيها قصة الملكة وتم وضعها مع الملكة لما ادفنت
كلعنة أو رصد للمقبرة
ومع وجود البردية دي معاك بيأكد ان فعلا من وجود مقبره ل الملكة نفرتيتي مش مجرد تكهنات ..
المهم البردية دي بتمثل ك ذكر لقصة الملكة وبردو ك رصد للمقبرة
وحماية من اي حد يكتشف مكنها
ولما بحثت عن حقيقة قصة الملكة
عرفت ان في حد قدر يدخل المقبرة
وده حصل لما
جه لمصر احدى علماء الاثار الفرنسيين وكان معاه مجموعة كاملة للبحث عن مكان قبر الملكة نفرتيتي
كان اسمه ( الكونت لوي هامون )
ده الشخص الوحيد اللي اكتشف مكان القبر
قبل دخوله المقبرة قابل واحد شغال عامل بهيئة الاثار
طلب منه ان يساعده للدخول للمقبرة من غير ما اي حد يعرف ويكون عمل سري مابنهم
ووعده ان هيكون ليه مكافئة كبيرة
الشخص ده، لم يتم ذكر اسمه نهائي
دورت وبحثت كتير عن اسمه، لكن ما اتذكرش في اي قصة من المعروضة .
المهم وافق علي عرض ( الكونت هامون ) وفعلا قدره يوصله للمكان السري للملكة نفرتيتي داخل مقبرة توت عنخ امون...
نفس اللي انت حكيته ليا يا راضي حصل مع العالم الفرنسي
ومات ب ابشع موته متقدرش تتخيلها
الشخص اللي دخل معاه لقي اختفي من نظره في ثواني
وبعدها سمع صوت جي من فتحة داخل ساحة كبيرة
عند قبر الملكة نفرتيتي
لما راح لمكان الصوت
لقي جثته مرمية عند تابوت ضخم
و الراس كانت مفصوله عن جسمه .. وكم هائل من حشرة الجعران كانت منتشر علي الجثة
اول ما الشخص ده شاف المنظر كده جري من المكان لخارج المقبرة وهو مفزوع
بعدها محدش قدر يعرف فين مكان المقبرة دي
وبحثه كتير علي المكان السري ده محدش قدر يعرف مكانه
ده حتي جثة العالم الفرنسي ماظهرتش عشان تأكد ان هو فعلا مات جوه ولا ايه بظبط
لكنه بالتأكيد مات لانه مظهرش بعد ما دخل
وكل فريق العمل دور عليه محدش قدر يعرف مكانه
ولا مكان المقبره
ورجحوا ان العامل ده يكون كذاب ف كلامه