ملفات سريه

السلام عليكم ورحمة الله وبركاته أحب أعرفكم علي شخصية مميزة جدا الحقيقة ... إسمه كايتانو جودينو ... قاتل متسلسل أرجنتيني ...مشهور بإستهدافه للأطفال... و صاحب أكتر لقب قاتل متسلسل تنمرا في التاريخ ... "السفاح بودان ضخمه" ... المهم ... جودينو كل حاجه فيه مميزة ... في سن ال٧ سنين الشرطة إعتقلته بسبب أنه بيعتدي عالأطفال و بيضربهم ... بس طبعا بسبب سنه رجعوه لأهله ... في سن العشر سنين ... أهله بلغوا الشرطة إنه بيمارس العادة السرية و إتحبس بسببها شهرين ( تقريبا كانت جريمة وقتها ) ... في سن ال١٦ ...أشعل النار في مخزن ولما تم إعتقاله قال للشرطة إنه بيحب يتفرج علي رجال الإطفاء وهما بيقفزوا في النار ... في نفس السنه قتل طفل عنده ١٣ سنه و خبي جثته تحت مخزن مهجور ... و بعدها بكام شهر أشعل النار في فستان طفلة عندها ٥ سنين و ماتت من الحروق ... في نهاية سنة ١٩١٢ ... خطف طفل عمره ١٨ شهر بس ...و ربطه في مخزن مهجور و جاب مطرقة ... فضل بعدها يبحث عن مسمار لكن ملاقاش ... فخرج من المخزن .. في طريقه قابل والد الطفل و سأله عنه لكن جودينو كذب و قال إنه مشافهوش ...بعدها رجع ب...

السلام عليكم ورحمة الله وبركاته  صباح الخير  💓 💓  ... النهاردة ... قولت إني لازم أكلمكم في موضوع مهم جدا عامل ضجة و قلق عالفيس من ٢٠١٧ ... طبعا كلكم فاكرين البوستس بتاعة إن مستر سلطع بيعمل سلطع برجر من السلطعون و أفراك عائلته ... و كان كتير منكم بيعملي منشن في البوستس دي ... طبعا الي إقترح الموضوع ده كان فان أجنبي و دليله الوحيد أنه مشافش ولا فرد من عائلة مستر سلطع في المسلسل ... فأكيد هو قتلهم و عمل منهم سلطع برجر ... طبعا ده كلام واحد مكنش متابع المسلسل أصلا و بيزيط مش أكتر ... و علشان ننهي الزيطة عالموضوع ده نهائيا ... فالكلام ده مش حقيقي ... ببساطة كل فرد من عائلة مستر سلطع ظهر في حلقات مختلفة ...و في حلقة للمناسبات ظهروا كلهم معاه ... بس بردو علشان الموضوع ينتهي تماما و أطمنك ... حساب نيكولديون الرسمي علي إنستا في ٢٠١٧ ...نفي تماما الموضوع ده ... و في النهاية لسه الوصفة سرية ...

السلام عليكم ورحمة الله وبركاته  طبعا ...تقريبا كلنا شوفنا فيلم أوبليفيون لتوم كروز... فيلم كان عظيم جدا و حبيته جدا ... بيتكلم عن مهندس بإسم التقني ٤٩ بيصلح الألات الي المفروض بتحمي الأرض في الوقت الي بيحلم بيه بأنثي إسمهل جوليا ... توم كروز ( التقني ٤٩) يقابل شبيه ليه و يكون رقمه ٥٢ و يواجهه و في الأحداث يكتشف إن جوليا تبقي مراته الحقيقية ... و إن الفضائيين إستنسخوا جيش كامل منه دمروا بيه الأرض ... و بالتالي توم كروز (رقم ٤٩) هيساعد الثوار و يضحي بنفسه لتدمير الفضائيين ... في نهاية الفيلم ...تروح جوليا و تعيش لوحدها في الكوخ الي صنعه رقم ٤٩ و بعد كام سنها يوصلها مستنسخه رقم ٥٢ و يقولها إنه كان بيتشارك ذكريات رقم ٤٩ عن مكان الكوخ و بالتالي قدر يوصله و لنفس السبب هو واقع في حبها ... وفي نهاية الفيلم ينتهي بإنهم عاشوا سوا بسعادة للأبد ... بس ... للأسف الفيلم أهمل تفصيلة مهمة جدا جدا جدا ... رقم توم كروز الي عاش معاها في النهاية كان ٥٢ يعني في ٥١ مستنسخ قبله ... في الواقع ...مستنسخي توم كروز كانوا جيش بيغطي كل بقعة من الأرض ... فحرفيا في جيش ضخم من الجنود الخارق...

السلام عليكم ورحمة الله وبركاته  قررت في مرة أسأل مجموعة من المستخدمين عن أغرب شئ شافوه و رعبهم ... و دي واحده من الإجابات ... " في البداية كده ... البيت الي ساكنين فيه له تاريخ مأساوي ... العائلة الي سكنته قبلنا ... كانوا في رحلة لتقضية أجازه و فقدوا كلهم بدون أي أثر ... و حتي الأن مفيش أي شخص أو جهه تعرف مصيرهم ...و بالتالي ملكية منزلهم بعد سنين إنتقل لوريث .. و قبل ما وريثهم للمنزل يبيعه لينا ... قالنا أنه أوقات بيحس بوجودهم معاه في البيت ... طبعا إحنا أفترضنا إن ده مجرد إحساس نابع من مشاعره ... لكن بمرور الأيام و السنين علينا في البيت ... أدركنا إنها للأسف مكنتش مجرد مشاعر الي يقصدها ... في البداية ... بدأت حجات لينا تختفي من مكانها و تظهر بعدها بأسابيع في نفس المكان ... بعدين بدأنا نسمع خطوات و إحنا نايمين ...و المشكلة إن الخطوات كانت بتبقي من جوا جدران البيت ... أخر موقف حصلنا... لما كنت في الشيفت الليلي بتاعي ... و طبعا إحنا مركبين كاميرا حساسة للحركة في غرفة طفلتنا ...علشان نشوفها وهي نايمة ... لما كنت في الشغل ....كنت فاضي شوية و قررت أفتح الكامي...

السلام عليكم رجعتلكم بحاجه تانيه جديده  صباح الخير  💓  ...بما إن الجو برد و كله قاعد في بيته ... تعالوا أحكيلكم قصه تانية ... كنت في مرة سألت مجموعة مستخدمين عن أصدقائهم الخيالين الي كانوا معاهم وقت الطفولة ... و دي واحده من الأجابات ... "صديقي الخيالي ؟ ... في الحقيقة صديقي الخيالي كان مزيج من الضحك و الرعب في نفس الوقت ... هو للعلم ... بيتنا يبقي جمب حديقة ملاهي لديزني ... فأظن من الطبيعي إن يكون صديقي الخيالي في فترة طفولتي ... بطوط ... هو مكنش بطوط فعلا ... هو كان شكله أقرب لإنسان لابس بدلة بطوط زي الي شغالين في الملاهي ... و أنا كطفل طبعا كنت بناديه بطوط ...و كان دايما بيلعب معايا و انا لوحدي في غرفتي ...أو لما أهلي يروحوا الشغل ... او لما ألعب في الحديقة لوحدي ... بطوط كان صديق لطيف جدا ... بس كان فيه كام حاجه غريبة فيه لاحظتها في طفولتي ... بدلته كانت مليانه بقع حمرا بلون الدم ...و عيون الشخص الي لابس البدلة (و الي بتظهر من فم البدلة )كانت بتبعث ضوء غريب ... و الأغرب ... لما كان بيقولي إن لحم بابا و ماما طعمهم حلو و لازم أجرب أدوقه ... أنا ا...

اهلا بيكم في حاجه جديده كده علي السريع  صباح الخير  💓 سنة ١٩٥١ ... المخترع A.C.Gilbert واحد من أشهر مخترعي الألعاب في العالم ... قدم للشعب الأمريكي لعبة مبهرة و مميزة و قاتلة في نفس الوقت ... و هي لعبة " المعمل النووي المحمول U- 238 Atomic Energy Lab " و الي عبارة عن مختبر صغير من البلاستيك موضوع في حقيبة تقدر تاخده معاك لأي مكان ... اللعبة كانت محبوبة جدا للأطفال و بخمسين دولار بس و مع ذلك ...نزلت سنة واحدة و إترفعت من الأسواق ... و ده يرجع لسبب مهم ... الأستاذ جيلبيرت كان عايزها تبقي لعبة واقعية تفيد الأطفال و تربيهم علي إنهم يبقوا علماء مستقبل أمريكا و يخلوها Great Again ... و علشان كده ...كان بيحط في اللعبة عينات من صخور يورانيوم مشعة حقيقية و معاها كمان جهاز جيجر لقياس الإشعاع المنبعث ... الصراحة الواحد مش متأكد كان عايز يربيهم ولا يقتلهم !

بما ان النهرده الهالوين اسمعو الجديد بقا النهارده 31 أكتوبر ... يعني ليلة الهالوين ليلة الرعب و عيد القديسين .... و بما إنها النهارده ... تعالوا ناخد لفه كده عن أصل الليله دي ... من حوالي 2000 سنه في إيرلندا كانت عايشه هناك شعوب و قبائل إسمهم الشعوب السلتيه ... الشعوب السلتيه دي كانت بتحتفل برأس السنه الخاص بيها و الي بيبدأ بيوم 1 نوفمبر ... و اليوم ده بيعتبروه علامه علي نهاية الصيف و شهور الحصاد و بداية الشتاء و شهور الظلام و البرد ... بل كمان إن اليوم ده في السنه كان دايما متعلق بالموت و ده لإن الشعوب السلتيه الوثنيه كانت شايفه ان في ليلة 31 أكتوبر الحاجز بين عالم الموتي و الأحياء بيبقي ضعيف و بسبب كده ارواحهم و اشباحههم بل كمان الشياطين كانت بتدخل عالم البشر في اليوم ده علشان تمارس شرورها ... لكن الناس كانت بتستني اليوم ده لانهم مؤمنين ان عبور الارواح لعالم البشر كان بيمنح كهنتهم القدره علي التنبؤ بالمستقبل و النبؤات دي كانت مهمه بالنسبالهم بسبب قسوة.حياتهم في الشتاء ... لكن سنة 43 بعد الميلاد قهرت الامبراطوريه الرومانيه الشعوب السلتيه و حكمت الامبراطوريه الاراضي السلتي...

النهرده جيبلكم حاجه تانيه خالص حاجه كده مرعبه  مايكل دايموند ... جامع دمي أثرية و أثار حربية عمره حوالي 48 سنة و بسبب هوايته قرر صديق عسكري متقاعد ليه إنه يديله هدية ... و الهدية هي رأس لدمية إسمها مستر فريتز و علي حسب كلام صديقه فالي صنع الدمية كان أسير حرب عند القوات الأمريكية في الحرب العالمية التانية أثناء حبسه ... و طبعا الحج مايكل حب يمارس هوايته و يقبل الهدية و يحتفظ بيها في صندوق زجاجي ... لكن الي بدأ يلاحظه إن كل يوم الصبح بيلاقي باب الصندةق مفتوح برغم إن الباب بيتقفل كل ليلة قبل ما ينام .. فقرر مايكل العجوز يركب كاميرا يشوف إيه الشي الي بيفتح الباب ... علشان يتفاجيء وهو بيشوف الفيديو بإن الدمية وجهها بيتحرك و الباب بيتفتح لوحده ... مايكل طبعا بلغ كل الي يعرفهم و برامج الخوارق تواصلت معاه علشان الفيديو و للعلم البرامج دي مختصة بإنها تثبت زيف الإدعائات المشابهة و خصوصا لو في لعب في الصور أو الفيديوهات لكن المبهر إن محدش منهم قدر يثبت زيف الفيديو حتي الأن ... و إنتشر الفيديو بسرعة رهيبة و لغاية دلوقتي مايكل محتفظ بالدمية و بيقول إنه كل ما بيتأملها معدته بتوج...

حابين نتكلم في موضوع طويل شوية ؟؟ ... يلا بينا ... في تسعينات القرن الماضي ... أوساط علماء الفلك و الأطباق الطائرة و عشاق نظريات المؤامرة و المسئولين الحكوميين الأمريكيين أتهزت بتسريب وثيقة غريبة بتحمل إسم "مشروع الكوكب الأزرق" ... الوثيقة كان مصدرها الي سربها مجهول ... و مع ذلك حققت ضجة كبيرة في الولايات المتحدة بسبب المعلومات الي بتقولها عن تعامل الحكومة الأمريكية مع أجناس من خارج كوكب الأرض ... تعالي كده بقي ناخد جولة في الوثيقة شوية ... أولا كده ... الوثيقة بيعتقد إن كاتبها يبقي عالم مش معروف غير إسمه وهو جيفرسون سوذا و الي بيظن إنه عاالم خاص تواصل معاه الجيش الأمريكي لفحص مناطق تساقط الأطباق الطائرة ... قبل إختفائه التام بعد تسريبها ... الوثيقة بقي و الي تعتبر في شكل مذكرات ... بتتكلم عن كذا حاجه ... هناخدهم واحده واحده ... ١- أنواع الفضائيين علي الأرض ... علي حسب الوثيقة بيقال إن الفضائيين أصلا عايشين بينا و ببتروح متوسط أنواعم المختلفه لأكتر من ١٦٠ نوع ...و بيتم تصنيفهم كالأتي .. (ضيوف - زوار - دخلاء - مستعمرين - خبثاء) أما أنواعهم كأجناس ففي بعض...